麻辣火鍋Fusion 磯燒燒烤 滿足多心的你
識我既朋友都知我係無辣不歡，但今次呢個辣味係足以令我唔駛再加豉油及指天椒，因為真係好夠味，而且辣度都剛剛好，對我來講可以再辣一啲，但為左就同伴當然無計喇！旺角家樂坊終於重組完成，將8 樓變成搵食樓層，正如呢間川婆婆，唔單止打破一般傳統火鍋店概念，仲以川婆婆麻辣火鍋x磯燒燒烤店出現，即係一次過滿足你火鍋同燒烤兩食，而且店內香料都係由四川直送，加上由香港人主理，口味當然啱晒香港人。 其中招牌麻辣湯就為遷就港人的口味，減少唔用太多牛油，以啤酒代替， 令湯底更加鮮味和帶有回甜，而且採用天然辣椒，所以麻辣程度不會是非常之辣，非常適合港人口味。 檸檬酸菜魚 $198 肉質爽、滑、鮮、甜，入口時真係食到四川老壇泡椒酸菜，爽辣酸，好鬼惹味。 話明是首次破格推出磯燒燒烤，同麻辣火鍋Crossover ，所以磯燒燒烤就有刺身級生蠔和扇貝，廚房仲設有海鮮池，養著龍蝦、聖子、鮑魚、花甲，全部即叫即切，新鮮情度唔講都諗到喇，百分百新鮮。 牛魔王就有齊A5和牛、本地牛頸脊、安格斯、和牛粒$688，仲用埋 鳥籠裝飾擺一共有三層， 四款牛肉排列吸引，入口即溶，問你點忍！ 剁椒臭豆腐 ＄68 以台式方法炮製薄切香脆的臭豆腐，配上剁椒及自家秘製醬油， 入口真係好夠味，惹味度簡真超吸引！ 貴妃滑牛肉 $98 經醃料及牛奶醃製， 令牛肉仿如貴妃出浴般軟滑的感覺。 餐廳地址：旺角家樂坊802號店 營業時間 : 中午12:00至凌晨12:00 店舖查詢 : 2898 7338 Whatsapp訂座: 5722 8983