foodie Sugar

經過尖沙咀金馬倫道見到有間應該是新開的「牛匠石燒」，正想燒肉，不用多說就入去食個late lunch喇！餐廳都算寬敞，可能過了午餐時段，我們可以坐到大大的卡位，舒適又有私隠度。 呢度都有幾個石燒定食套餐可供選擇，我就點了特選牛肉定食$98（配前菜、白飯及味噌湯）。朋友點的嚴選風門柳定食（配前菜、白飯及味噌湯）$138，當食物上枱前，店員送上大大條足以包到上半身的大圍裙，我們就可以好安心慢慢燒，唔怕彈到一身油。 這碟封門柳定食，有前菜、白飯及味噌湯，封門柳賣 相好靚仔，油脂分佈平均，在熱石上油脂全數湧出，肉質好嫩又充滿牛肉味。 店員教我們，燒肉前先將肥油粒，在熱石上塗一層油，便可將牛肉放在熱石上。 特選牛肉，當肉兩邊都轉色，就可以立即食，吃時更加沾些醬汁同吃，更能突出肉香。 店內更提供一次性酒精消毒餐具。 只需掃QR CODE便可落單。 跟餐加多＄10、＄15或＄18就可加多一款小食，我便選擇加＄15點了和風芥末脆牛舌及加＄18選了鹿兒島一口牛， 鹿兒島一口牛，肉質軟嫰，而且很有肉味。 和風芥末脆牛舌，表面帶脆，厚切又有咬感，芥末醬香而不攻鼻。 味噌湯將豆腐切成水中花般，好有心思。 這裡的特飲系列也很特別，我點選了清新薄荷，朋友則點了幻蝶豆花，清新又解渴，甜度剛剛好。 環境闊落 暗黑型格味濃 牆身有幅大大的牛部位圖，看圖識食呀! 大大的卡位，舒適又有私隠度。 餐廳寬敞舒適。

  基本上銅鑼灣成日都踏足，希雲街更成為新Hea點，主要是好愛sleepless cafe 的立體拉花咖啡，好飲又可愛呀！同埋食物質素都唔錯。前日就同朋友來吃個late lunch午餐，今次好彩坐到自成一角較闊落的卡位，最正是有三隻得意的Pepe伴食，心情也特別好呀！ 入到呢間清新悠閒的小店，雖然細細間但都算舒服。我見今日有廚師推介就唔諗咁多點了忌廉蟹肉蟹棒扁意粉＄118，入口時每條扁意粉都沾滿好濃郁的忌廉，配埋蟹肉，都算足料，扁意粉軟硬度適中又有彈牙，大大條蟹棒好鮮甜，整體都幾飽肚，味道也不錯。 朋友點了Classic Eggs Benedict $118，那流心蛋下是煙三文魚及麵包伴底，吃時將蛋弄破，流心效果正到無得彈，煙三文魚及麵包沾上蛋漿，味道更加豐富，好滿足，還有伴碟的沙律菜及車厘茄，口感好清新。 水牛城雞翼份量十足料，酸酸甜甜幾醒胃，仲有好多醬汁，而且一點也不辣，就連怕辣的朋友也食得津津有味；我就點了Grapefruit Wings，柚子香真是好吸引，香脆的口感，嫩滑的雞肉幾入味，個人覺得幾有水準，下次都會再叫呀！ Buffalo Wings $62超多醬汁 Grapefruit Wings $62 香甜惹味 sleepless cafe至出位就是立體卡通咖啡拉花，呢杯Iced 3D Latte $62，兩隻肥嘟嘟的熊仔，成雙成對的躺在latte上面，好梳乎呀！超級的可愛，入口時咖啡滑溜又香甜，色香味俱全。 朋友那杯3Dcappuccino $58，不飲咖啡轉了朱古力，同樣做到3D效果，三隻可愛的小兔兔在朱古加上，超級的得意，真是唔捨得飲喔！ 卡位的角落，放了幾本不同的書籍，一於扮下文青，打卡先。 搶眼的霓虹燈，寫住店名sleepless cafe 都幾吸睛。 坐卡位就有三隻Pepe伴食，都咪話唔開心呀！ 離開時記住在門口打卡呀！ Sleepless Cafe 地址：銅鑼灣希雲街22-24號地舖