foodie Sugar

菊黃蟹肥，正是品嘗大閘蟹的最佳時期，要吃得盡情不是吃得多便是好，重點是要懂得吃。九龍酒店龍逸軒的《八道菜蟹宴》大閘蟹套餐，由飽滿肥美的游水大閘蟹開始，再有橙黃盈亮、甘腴鮮甜的蟹黃及絲絲細滑蟹肉入饌，以多變烹調手法演譯，將時令大閘蟹的極致鮮味，發揮得更淋離盡致，蟹迷們要好好捉緊時機喔! 龍逸軒小碟分別是鎮江肴肉及脆皮素鵝卷，前者鎮江肴肉，層次分明晶瑩剔透的骨膠原，讓肌膚都靚靚；後者素鵝腐皮卷香脆好味。 鮮蟹粉小籠包(2隻)以煙韌外皮鎖住豐盈蟹粉肉汁，一口送進口裡，蟹粉鮮甜味全數湧進口裡，無得彈。 要數蟹宴中，較清新口感必屬翡翠蟹肉帶子豆腐羹，及鮮淮山鮮百合炒田園蔬，前者大廚特意加入蟹肉為豆腐羹添色加彩，增加層次感。後者鮮淮山及鮮百合真是好清甜。 師傅以傳統清蒸手法來清蒸原隻大閘蟹，保留原汁原味，蟹肉鮮嫩而蟹膏甘甜，一吃齒頰留香。 椒鹽魷魚大家就吃得多，金黃酥脆的椒鹽味，你又試過未呢? 這道椒鹽大閘蟹與細滑甘香的蟹粉營造出鮮明層次，絕佳美味令人一試愛上。 蟹粉蝦球伴脆鍋巴的蝦球經過泡熟後，與蟹粉同炒，最後淋上蟹粉在鍋巴上，味道香濃美味，蝦肉爽爽口彈牙。 這道咖喱蟹粉炒絲苗，足料又滋味，每粒米飯都好有咖喱香，又不失蟹粉的鮮甜，一定要留肚食。 黑糖薑茶湯圓入口嘗到帶著淡淡薑母味的湯圓，暖身又暖心，軟糯滋潤又養胃。 龍逸軒《八道菜蟹宴》 供應時間：晚上 6 時至 10 時 30 分，星期一至日及公眾假期， 推廣期：即日至12月12日 價錢：每位$888，兩位起，另加一服務費 優惠：網上商店訂購，可享高達85折優惠！ https://eshop.harbour-plaza.com/kowloonhotel/zh-hant/product/loong-yat-heen-hairy-crab-menu-tc/

  一直都想試韓國過江龍️喜來稀肉，難得今日可以早收工，就和同事來個Early Dinner喇! 由於 喜來稀肉在旺角廣華街百利達廣場地庫，所以我們就沿樓梯走到地牢，甫入餐廳中間是掛了燈飾的大樹，暗黃的燈光，給人有一種浪漫的感覺，如置身在韓國一樣。 由於早來的關係，不用排隊仲可以坐到卡位，當坐定定後，員工就立即在放了芝士及泡菜的爐邊，倒下蛋漿，一陣就食得，仲可以加添，好正呀！ 所點選的食物未到時，就先吃前菜喇! 包括醃蘿蔔、泡菜、酸瓜、韓式辣醬撈的沙律菜。 這裡大大塊的泡菜，味道不錯好爽脆，都有點辣，自問是愛辣之人，就勁愛。 酸瓜好爽口。 酸蘿蔔酸度調味得剛剛好，爽甜帶少酸，真不錯。 一朵花的送到我面前，賣相好吸引的喜來烤肉 180g ($158)，薄切牛肉片，燒一下很快就熟，燒烤肉時已聞到陣陣香味，入口濃郁的牛味，肉質好嫰滑，由於心急想吃，所以第一件牛就即時吞落肚，好好味。 第二件就加了韓式醬及生菜同吃，生菜的清甜爽口，減去牛的油脂感，更加香脆好食。 大份好足料的馬鈴薯煎餅 ($90)，吃到軟香的馬鈴薯條，還有幾片牛肉。 由於我至愛脆口的煎餅，我就將之放在爐上再煎至脆口，堅好味。 臨走時更可在雪櫃內幾款韓式雪條中取一款，我就選了蜜瓜，蜜味香味，即時熱氣全消。 環境都好舒服，帶點浪漫情懷。 店舖入口在馬路旁，一點也不難找，大大個招牌一眼就望到。 喜來稀肉 地址：旺角廣華街3號百利達廣場地庫 電話：21046882

天氣凍凍地，最好就是去燒烤，朋友想食燒烤又怕麻煩，就帶我去串Grill自助燒烤專門店，仲話呢間是「自轉」燒爐，即是唔駛自己動手义食物，大家吹下水，幾分鐘就食，超級方便。 餐廳雖然唔算好大，但勝在環境乾淨企理，大大張沙發卡位，坐得好舒服。 一坐低，店員作介紹點用枱面上的「自轉」燒爐，只需擺啱位按照指示燒烤時間，幾分鐘就食得。教路完畢後，就立即有一盤串燒送上，咁窩心好明顯俾我地試啱邊款，就可立即再點喇！ 呢度是用手機掃上QR code落單，食物種類都超過40款，落單後，超快送上一盤盤串燒。 大家燒烤時，當食物燒到7-8成時，都會掃上蜜糖，呢度雖然無蜜糖，但有自家製燒汁、魚露或柚子醬。 若唔夠喉枱面仲有味椒鹽、辣粉及孜然粉任你自己調味。 當日坐個卡位冷氣超夠凍，所以都無用到枱面上兩把風扇仔，不過餐廳又真是好貼心喎。 仲有好多款飲品都是任拎任飲。 由於是限時兩小時，當差不多時間時，店員會提提仲有15分鐘用餐時間，見到食飽熄火後，就立即送上Häagen-Dazs雪糕，食完燒烤再食杯雪糕，真是透心涼，熱氣全消。 由於是任食的關係，都試了好多款，仲有encore，所以講唔晒咁多，只講推介食物。少少油脂的牛肉串，入口好腍滑。 細細粒的蜆肉，有鮮味，如果大粒少少更有口感；外皮香脆無比的台灣腸，都咪話唔吸引，個人就encore了兩串。 雞中翼燒到剛剛好，外皮金黃，入口肉質嫩滑；黑色墨魚丸爽滑彈牙，口感豐富。 燒貢丸幾爽口，燒過後菇香更濃；日本甜薯入口軟滑好香甜，一定要食豆卜燒到脆卜卜，正呀！ 經過輕燒的菠蘿酸酸甜甜，好開胃，仲可以解油膩； 雞蛋仔細細粒，燒香後口感鬆軟，蛋味濃；棉花糖香甜軟滑好好味。 飲品櫃就有好多品種，汽水、豆漿、涼茶及茶類飲品任你飲。 串Grill自助燒烤專門店 地址: 彌敦道558-560號譽發廣場7樓全層 #燒烤 #串Grill自助燒烤專門店 #雞中翼 #菠蘿 #雞蛋仔 #棉花糖 #任飲任食 #貢丸#蜜糖 #自轉燒爐

今日深水埗買完野後，友人住麗閣村就約佢食餐飯喇! 佢話好耐無食泰國野就去了【喜泰味】，甫進餐廳充滿現代簡約泰式風情，座位都坐得好舒適 ， 我地就點了個二人套餐就有一款菜及一款主菜，白飯及飲品 。 二人套餐 👍入座就送上蝦片，脆卜卜的好有蝦味。 🐥泰式海南雞(半隻) 去骨海南雞口感嫩滑，配上自家製的泰式醬汁，酸酸甜甜的幾醒胃，與無骨雞件好夾。 🍃我地點的套餐，有通菜/椰菜苗/芥蘭(選一款)，炒法有(泰式炒、蒜蓉炒、馬拉盏炒)，聽店主話今日芥蘭靚，就以馬拉盞炒芥蘭 ，芥蘭新鮮好清甜爽口，真是無介紹錯。 牛肉串燒$38 （價） 跟餐加錢可配4串（雞、牛或豬）選了牛肉串燒，經過燒香後惹好又香口，吃時將沙嗲汁淋上牛肉上，一點也不辣，只增添了沙嗲的惹味。 肉質軟腍帶點筋也有點咬感。 ☕套餐包兩杯飲品，我地每人一杯泰式咖啡，香濃幼滑的口感真不錯。 喜泰味 地址：長沙灣東京街12號麗閣商場地下29號舖 電話：23306481