foodie Sugar

  生日當然要食生日飯，一於同朋友tea下先，不過今次唔飲西茶，飲中茶，難得「十里洋場」首次推出經典淮揚下午茶套餐，$338/兩位用，當然要來慶祝喇！ 「十里洋場」今次推出呢個經典淮揚下午茶套餐，用了兩個大籠子放滿美食，可以一次過試齊至出位的美食，賣相就攞滿分。 蓑衣黃瓜 第一籠最吸睛是放在中間位置的「煙燻BB鴿」一隻，每人半隻剛剛好，旁邊就有淮揚特色前菜如陳醋紅蜇頭、水晶肴肉、金絲小排骨、蓑衣黃瓜、四喜烤麩、黑松露珍珠燻溏心蛋。 黑金流沙包 帶子鳳眼餃 矜貴鮑魚火腿酥 金牌小籠包 第二籠則是精美的點心，熱辣鮮甜的金牌小籠包、鮮味十足的帶子鳳眼餃、矜貴鮑魚火腿酥、香甜滑溜的黑金流沙包，每款點心都有兩件，仲有嫩雞煨麵或雪菜筍絲肉絲湯麵，任你揀，一次過試齊這裡的最出位滋味的美食，好味又飽肚，生日吃得咁豐富，今年一定豐衣足食。 還有楊枝甘露、菊花蜜桃柚子蜜、紅棗圓肉杞子茶、麥米薏米檸檬水，任你揀，每人一杯，滋潤又養顏。   「十里洋場」經典淮揚下午茶套餐 地址：香港銅鑼灣恩平道28號利園二期101號舖 電話：2338 5500 價錢：$338/兩位用，另收茶芥及加一服務費各$20 供應時間：每日14:30-18:00

  權八 食物質素一向有保證，過年前知道這裡推出權八和風下午茶，$388/兩位用，好吸引的價錢，就約了朋友來tea，好回味，老實講CP值超高，所以忍唔住又Encore，今次保持水準同樣滋味，教我如何不愛呢！ 甫入餐廳只能講句有型格，充滿東瀛風情，還可看著師傅即席炮製串燒、壽司，全部即叫即燒，新鮮程度百分百。而這個下午餐套餐，至吸引地方是分為三大盤，能讓你一次過品嘗這裡的名物。 第一盤是串燒和炸物，包括了枝豆、飛魚子蟹肉沙律、炸鮮蟹肉餅；「炸鮮蟹肉餅」一咬下滿咀都是鮮甜的蟹肉，滋味到無得彈。 第二盤就是壽司，有肥美的三文魚壽司，鮮味十足的吞拿魚壽司，而那芝麻炸蝦反卷，香脆美味，蝦肉鮮甜，配上芝麻香又是另一口感。 第三盤串燒，一上枱就聞到香噴噴，令我忍唔住想立即吞晒落肚，燒雞翼燒到皮好脆、蒜片豬頸肉入口爽口又夠腍、日本番薯清甜好味、杏鮑菇拼車厘茄、燒粟米就超甜。  再來個甜點有椰汁南瓜白玉子、蜜瓜糯米糍、芝士蛋糕及是日精選蛋糕 ，由於每天不同，上次吃的甜品已和今次不一樣了，但同樣好味。 如果愛飲番兩杯的朋友，記住飲杯白鶴純米酒，入口好清純，容易入口，女性必愛，還有手工啤酒及無酒精飲品可供選擇。 雖然呢個餐真是超飽，但為食的我，又忍唔住點了呢度至出位的燒厚切牛舌，大啖咬牛舌，真是爽口，好有口感，就算好飽都要食，實在好味，令我按奈不住。 「權八居酒屋」和風下午茶 地址：銅鑼灣希慎道33號利園一期4樓 電話：2787 3688 價錢：$388/兩位用 供應時間：每日14:30-17:00