經典淮揚下午茶套餐$338/兩位用 出位又滋味
生日當然要食生日飯，一於同朋友tea下先，不過今次唔飲西茶，飲中茶，難得「十里洋場」首次推出經典淮揚下午茶套餐，$338/兩位用，當然要來慶祝喇！
「十里洋場」今次推出呢個經典淮揚下午茶套餐，用了兩個大籠子放滿美食，可以一次過試齊至出位的美食，賣相就攞滿分。
第一籠最吸睛是放在中間位置的「煙燻BB鴿」一隻，每人半隻剛剛好，旁邊就有淮揚特色前菜如陳醋紅蜇頭、水晶肴肉、金絲小排骨、蓑衣黃瓜、四喜烤麩、黑松露珍珠燻溏心蛋。
第二籠則是精美的點心，熱辣鮮甜的金牌小籠包、鮮味十足的帶子鳳眼餃、矜貴鮑魚火腿酥、香甜滑溜的黑金流沙包，每款點心都有兩件，仲有嫩雞煨麵或雪菜筍絲肉絲湯麵，任你揀，一次過試齊這裡的最出位滋味的美食，好味又飽肚，生日吃得咁豐富，今年一定豐衣足食。還有楊枝甘露、菊花蜜桃柚子蜜、紅棗圓肉杞子茶、麥米薏米檸檬水，任你揀，每人一杯，滋潤又養顏。
「十里洋場」經典淮揚下午茶套餐
地址：香港銅鑼灣恩平道28號利園二期101號舖
電話：2338 5500
價錢：$338/兩位用，另收茶芥及加一服務費各$20
供應時間：每日14:30-18:00
留言
張貼留言