foodie Sugar

星期日食了一個好飽的早餐，所以就來個late lunch，响黃埔見到厚福館，門口大大個banner寫住午餐$68起都幾吸引，反正好耐無打邊爐，就入去一人一爐喇！ 見到餐牌就有ABCD的不同組合可選，先選A的極品火鍋靚餸系列湯底，B的心機火鍋靚系列；C的特色麵食系列及D的飲品系列。 A我就點選了手切牛魔王餐，包括了封門柳 (4片)、牛頸脊 (4片)、金錢展 (4片)、汕頭牛丸 (2粒)及伴底的生菜 (2片)。先講封門柳油花分佈平均，肉味較濃郁、牛頸脊 有咬感有牛的油香；金錢展肉嫩有口感；汕頭牛丸牛味都幾濃，還有點爆汁。 B的心機火鍋靚系列，由於我超愛飲湯，所以就加了$20升級至佛跳牆湯底，湯內還有雞肉、冬菇、素翅及火腿片都好足料，未打邊爐時就先飲啖湯，湯頭真是好清甜。 C見到加$20就可以吃到唧唧魚蓉麵，自己動手唧又幾好玩 ，魚麵都好鮮甜，口感滑滑的又有魚味，與佛跳牆湯底好夾，好味。 D就是飲品類，跟餐就選了免費的解茶，而補錢也有其他選擇。 朋友在A則點選了佛跳牆，就有鮑魚、螺片、花膠、素翅、雞件、冬菇及菜，所以不用揀B，直接去C便可。 C雖然有不少免費麵食的選擇，但朋友都選擇加$5吃一個較健康的濃香芫荽麵，入口時有芫荽的香味，麵質爽口，不錯。 鮑魚都唔算細，人口好鮮味。 每人一碟仔少炸魚皮都脆口又好味。 可能是星期日的關係，所以接近全場爆滿， 雖然卡位滿了，但都安排到房內的四人枱，都坐得好舒服。 厚福館 地址: 紅磡必嘉街121號黃埔花園一期(奇妙坊)地層G9號舖 追蹤我的平台：https://linktr.ee/wendysugar

  屋企附近有間PizzaExpress，一個月都會去一至兩次，剛星期六去 見到有個PizzaExpress Perfetto 優惠套餐優惠價只是$168，就有一碟意式野菌螺絲粉或肉醬寬條麵，再加大大杯啤酒，突然又勾起條飲酒筋，唔諗咁多就啤一啤！ 正當開懷暢飲時，望望餐牌想再點選食物時，發現PizzaExpresss正式推出全新的PizzaExpress Club (PE Club)電子會員卡計劃，仲有三重迎新獎賞，費用全免就可以成為會員，當然就立即入會，因為即場登記成為新會員，就可以免費獲贈焗麵包球1客，咁著數，又點會錯過呢！ 一邊飲啤酒及食住肉醬寬條麵時，仲點選了二人套餐，前菜點選了意式焗肉丸，主菜就煙三文魚他他薄餅，及卡邦尼忌廉意粉，連兩杯飲品。由於座位舒適又有開揚景致，就好悠閒的度過了一個下午。 肉醬寬條麵好彈牙的麵條，每一條都沾上經過慢煮的番茄牛肉醬 ，口感煙韌又清甜的。另還有 意式野菌螺絲粉，可供選擇，由於是全素菜的款式，素食者也可一試。  每粒意式焗肉丸入口都有肉香，及有濃濃的蕃茄醬，口感不錯，蕃茄醬和牛肉丸簡直是無敵組合。 薄餅面層放滿煙三文魚他他、水牛芝士、火箭菜，有點鹹香的三文魚他他與水牛芝士配合得恰到好處，加埋火箭菜，令三文魚他他薄餅，更添清新的口感。 卡邦尼忌廉意粉有半肥瘦的煙肉，還有卡邦尼意大利粉慣常加入忌廉，及蛋黃製成醬汁，意粉彈牙又煙韌。 最後一定要提提好友們，只要由即日起至2021年6月30日，成為PizzaExpress Club (PE Club)電子會員卡會員，就仲可以拎到限時迎新獎賞！包括了免費獲贈焗麵包球1客，及$50迎新積分獎賞，等同港幣$50，可於惠顧時即時使用；另現有會員以實體卡資料首次成功登錄電子會員系統，更可免費獲贈瑪嘉麗塔皇后薄餅。

朋友住奧海城，好耐無見都要見面，就由她發辦吃什麼吧! 所以就去Cocina 3 Tapas Restaurant & Bar 食西班牙菜，鍾意呢度環璄舒服，充滿西班牙風情，最窩心是一入座就奉上一碟墨西哥脆片，原來只是$40就可無限refill，墨西哥脆片鹹鹹地又脆口，配埋自家製的沙律醬汁，酸酸甜甜與脆片又幾夾喎! 西班牙經典燒雞$228 配黑松露炒雜菌 最初看Menu英文是寫住春雞，想不到份量也不少，入口真是皮脆肉嫩，每一啖都感受到肉汁好豐富。 最正是兩隻雞肶，不用大力切已可以原隻雞肶放進口中大啖咬，啖啖肉真是好吸引，雖然不知用了什麼醃製，但雞肉滲出的香味又好滋味。 另主餐牌點選肉類，則有一款免費配菜，我就選了黑松露炒雜菌，黑松露又香又濃，雜菌炒得剛剛好，香而不油膩，也是一道令人無法抵擋的美食。 香烤牛舌配番茄沙沙 $128 表面看還以為是番茄沙沙多士，看真一點是牛舌，厚切的牛舌，經過烤香後，入口軟腍好有口感，還有點香烤味，配上番茄沙沙口感變得更清新，真是幾好味，個人就好愛。 西班牙炒辣肉腸 $88 經過炒過的辣肉腸，熱辣辣有點煙韌，好有口感，肉香中滲出微微的辣香，好惹味。 安格斯牛肉他他配香脆鍋巴 $158 肉汁嫩滑的安格斯牛肉他他，配上香脆鍋巴，最特別是鍋巴內有點果乾，脆口中又有少少乾果的煙韌及甜味。 入口層次感豐富，下次來時必會再ENCORE。 真是估唔到連餐具都是用皮套入住，感覺都幾高級，但食品價錢是中價，令我都忍唔住影一張留念。 餐廳充滿西班牙菜風情，座位寛敞舒適。 地址：大角咀海泓道1號奧海城三期地下G22號舖 電話：23622313

現在不能飛，最令我掛念的便是台灣，尤其是美食，想吃台灣美食，主打台灣美饌的「稻埕飯店」﹐繼k11 musea後，新分店正式進駐銅鑼灣V Point，限定的新菜式更是經濟實惠，現在不如來一趟舌尖上的台灣美食之旅吧！ 黑芝麻豆腐 $38 對我來講是小吃的黑芝麻豆腐，外面是黑芝麻醬的豆腐，令白雪公主變成黑寡婦般的「黑忟忟」的外表，但入口非常的討好，芝麻及豆味相當的濃郁，真是好美味。 香煎北海道帶子配三星蔥鮮露筍 $118 本來已很鮮甜的北海道帶子配上三星蔥，簡直是完美的結合，鮮甜帶子加埋三星蔥香，起了平衡的作用，更添滋味。 野山豬脆皮炸大腸 $78 超級邪惡的炸大腸，肥美的豬腸，有口感，好惹味。 紅蔥素鱔球 $58 不要以為是真鱔呀！其實是素鱔，即是以鮑魚菇，做到外脆內軟，充滿菇汁，幾醒胃。 黑松露龍蝦古早鴛鴦米糕 $128 龍蝦下是糯米飯及鴨血糕。那糯米飯吸收了黑松露和龍蝦的精華，口感濕潤每粒糯米都是鮮甜無比，而鴨血糕有點煙靭，有咬感都很不錯！ 五木竹笙蔬 $78 紫色准山你試過未？呢道「五木竹笙蔬」，就有黑木耳、紫准山、靈芝菇、竹笙、蟲草花，紫色准山清甜又爽口，好味到令我食多兩件。 白滷水豬面頰 $68 白滷水是甚麼？黑滷水大家就聽得多，白滷水你又聽過未？其實是以台式白滷水浸製，利用丁香、老薑等無色的調料製成，味道好清新，豬面頰都好入味，肉質嫰滑。 白滷水八福拼盤 $188 有鵝件肉、鵝掌、鵝翼、鵝腸、法國鵝肝、牛腱、蛋、冰豆腐，吃起來鵝翼及鵝掌就滷得幾腍；鵝腸則爽口彈牙有咬感；鵝肝雖然好邪惡，但入口真是好軟滑。 流心可可香蕉冰淇淋鬆餅 $88 雖然不算好流心，但鬆餅好香脆，可可味幾香濃。 黑糖珍珠舒芙蕾班㦸配抹茶冰淇淋 $98 充滿雞蛋香氣的班㦸，中間夾著軟滑無比的忌廉，質感十分鬆軟，配上煙靭的珍珠，必吃首選。 一定要講講的便是貓咪自助送餐機，只要輕撫牠，就會開心地喵喵叫，若拍打牠就會出現好嬲的表情，好得意呀！ 稻埕在V Point地庫，往下走時會看到充滿台灣風情的舊有台灣台稉米及醬埕等配件。 稻埕飯店 地址：銅鑼灣登龍街18號V Point地庫 電話：2638 8202 營業時間：每天11:30 - 22:00