矜貴食材入饌 打造暖意滋味

「紅棉」一直好想去，難得食家朋友相約，話邵德龍師傅特別响呢個寒風凜冽的冬日，推出一個八道菜滋味饗宴，當然要來一嘗這個暖意濃濃的滋味，當晚一行6人大家吃得好滿足，好好味更是全晚聽得最多，對於我呢位第一次來試真是感到好滿意，實會再來過。

這個特別以冬季矜貴時令食材入饌，打造的八道菜滋味饗宴，開胃前菜是「椒香蔥油酸薑阿拉斯加蟹配芥末兒菜」；湯品是「鮮螺頭甲魚清湯」、主菜有「黃燜一品燴」、「魚香蝦球帶子」、「檸檬葉燴珊瑚黃花魚柳」、「咖喱香酥美國牛小排」、「香煎臘味糯米飯拌蔬菜」、甜品則是「狀元茶湯圓、雲腿酥」每道菜入口均是鮮味十足，尤其是湯品，更是首次嘗甲魚，清甜無比。

椒香蔥油酸薑阿拉斯加蟹配芥末兒菜

單看賣相已很吸引，那阿拉斯加蟹肉厚及非常的鮮甜，師傅再加入椒香蔥油和酸薑，入口時層次感更是豐富，香味四溢，真是超級的鮮甜。

鮮螺頭甲魚清湯

呢道超級滋陰潤燥的靚湯，製作工序都相當的複雜，先將活甲魚處理好，再加入味道極濃且肉厚的鮮螺頭一同慢燉，煮至甲魚肉香湯、毫無腥味。喝上一口真是超級的鮮甜，又暖身又窩心。 

黃燜一品燴

先以原隻雞、乾瑤柱、金華火腿等熬製清湯，再加入燕窩、海參、花膠及鴨蛋一同燜煮至湯汁鮮甜濃稠，真是前所未有的好滋味，還很滋補。

魚香蝦球帶子

呢道以泡椒、薑、蔥、蒜等調味料製成的濃郁醬汁，集酸、甜、鹹、香於一身，配上爽口蝦球和肉厚鮮嫩北海道帶子，入口帶辣，但那香辣味又令人好回味，即使是怕辣的朋友也能完全接受到，所以一定要試。

檸檬葉燴珊瑚黃花魚柳

這道有齊魚蝦蟹的食材，似是一道湯羹，以野生黃花魚入饌打成魚蓉，並加入蝦膠，入口鮮嫩無比，兼有濃郁魚味；魚肉經過處理後， 令魚柳更爽彈滋味。配上用甘荀等蔬菜製成的珊瑚汁，入口清新。還有最值一提是豆腐與蔬菜切成細絲，軟綿地漂浮於碗中，入口即溶幼滑無比，足見邵師傅的刀功，絕對是一道色香味俱全的美饌。

咖喱香酥美國牛小排

入口有別一般咖喱，美國牛小排裹上脆漿輕輕油炸，一咬落去香酥的牛小排，配上香濃又帶輕微辣勁的咖喱，肉質柔軟，好味到無得彈，由於咖喱汁實在太美味，大家都話要叫碗白飯，最後白飯配咖喱，超級的惹味，至今仍令我好難忘。

香煎臘味糯米飯拌蔬菜

糯米飯一般都係生炒，但師傅以臘味、香菇、蝦乾等生炒後，當每粒糯米吸盡臘味的精華與油香後，再以慢火煎脆，入口時外脆內軟糯多重口感，別有一番滋味。

狀元茶湯圓

飯後甜品超級的窩心，狀元茶內有桂圓肉、百合、蓮子等燉成溫潤清甜的養生茶，配上自家製湯圓， 滋潤又養顏。

雲腿酥

一口鹹甜有致又香脆的雲腿酥，入口鬆脆無比，甜度剛剛好，最適合作為飯後甜品。

正山小種有氣茶

當晚更以正山小種有氣茶來伴食，呢款來自福建省武夷山，採用傳統的製茶方法，保留了正山小種的獨特香味和香氣，配上紅肉及香濃的美饌便剛剛好。

最後再來埋這裏最出位的招牌芝麻卷及山楂卷，不算甜, 好好味。

地址：中環紅棉路22號香港美利酒店平台亭樓 

電話：+852 3563 6405