「粵」中菜晚市精選小菜半價優惠

呢排想唔增磅都難，因為實在太著數，搞到我約埋唔同飯腳周圍係咁食，今晚去城市花園酒店

「粵」中菜，主要是呢度有晚市精選小菜半價優惠，足有十款任你選，款款都是由入廚30多年的行政總廚賴正成師傅精心炮製，以傳統而正宗的手法演繹，由於用料及食材新鮮，因此有些食材只需單的烹調方法，便能讓你吃到食材的真鮮味。當然也有些功序繁複的手工菜，入口即嘗到箇中的滋味。此外，全日自選菜式都有8折優惠，給你更多的不同選擇。

先來蜜汁叉燒拼龍井茶乳鴿，未入口己聞到香噴噴，叉燒肉質好嫩滑好友D小姐更是讚不絕口，最後專登為佢而設叫多一碟龍井茶乳鴿，滿足晒佢。


脆鍋粑乾燒河蝦，脆卜卜的鍋粑上是鮮甜美味的河蝦，令人一吃便愛上。

大澳脆炸雞同彩椒菠咕噜肉，就俾我好有驚喜。


自問不能吃苦，但呢道豉蒜百花煎釀涼瓜，好友就讚不絕口，我都受唔住誘惑，涼瓜就俾佢地，我就只食內裡的百花即蝦膠，同樣鮮甜無比。

雖然半價仲有雪裡红豆芽蝦鬆、蝦籽野菌红燒豆腐、椒鮮魷魚及花雕蛋白蒸龍躉球，但我們最後還是點主餐牌沒有半價的海鮮石鍋飯，因為海鮮石鍋飯每次來都會點，堅好食。

上湯浸菜蔬及杏汁豆腐花作結，一句講晒呢餐飯，大家都食得好開心，不過下次我會再來試午餐，點解?「粵」有半價精選點心囉，咁抵食當然要來食喇 !