半空中嘗花酒 歎Hightea

今日風和日麗，天氣超好，當然要High Tea襯一襯個景，知道Ritz Carlton大堂酒廊最新推出夏花
盛放下午茶，當然要去打卡喇!

今次Ritz Carlton與St Germain合作推出呢個夏花盛放下午茶，以典雅的三層架盛載，上層是鹹點

分別有牛油果蟹肉芝麻脆筒配薰衣草開心果脆粒、St Germain鴨肝醬法式蘑菇泥及紅桑子果醬配
軟包三文治、菊花石榴果凍球、焗迷你火腿芝士杏桃菠菜酥；中間層是士多啤梨乳酪蛋糕、檸
檬青檸蛋糕、蜜糖薰衣草蛋糕、椰子芒果泡芙，下層是St Germain椰子百香果杯、原味鬆餅及檸
檬鬆餅，每一層都好吸引，我就先吃鹹，發覺每件鹹點都幾特別，其中鴨肝醬法式蘑菇泥及紅
桑子果醬配軟包三文治，雖然鴨肝有點邪惡，但點都忍唔到，味道真不錯。

呢款法式布里歐軟包上，見到一粒細細的啫喱，原來是以St Germain接骨木花利口酒製造，精緻
之餘，入口還淺嘗到接骨木花的芬芳氣息，口感都幾特別。

由於是以St Germain接骨木花利口酒為主題，我地各自都加多$95，試了用以St Germain接骨木花

利口酒和Ungava氈酒為基酒，加入蝶豆花苦艾酒，再以菠蘿乾和荔枝作裝飾的特飲，荔枝清甜
配上呢款甜酒，好夾。另一杯Berries Elixir雞尾酒紅紅的色彩，以紫蘇葉和士多啤梨片作裝飾，
以St Germain接骨木花利口酒配上清酒、檸檬汁、士多啤梨果蓉和香檳做成，入口甜甜地少少酸
，配埋甜品一齊食就至正。

 

講起St Germain出產全球第一支法國接骨木花利口酒，果香複雜，帶有蜜糖味道，每一支皆由多達1,000朵新鮮、以人手採摘的接骨木花釀製而成，入口香甜美味，個人覺得加點Soda Water同飲更夾。所以我都用了$300購買了這套St Germain禮盒。內裡包括St Germain接骨木花利口酒一支，以及特製的一公升玻璃瓶。打開個特製玻璃瓶上面，仲有刻度標記，教你點樣簡單加入St Germain接骨木花利口酒、香檳和梳打水，輕鬆調製出St-Germain Spritz雞尾酒。

望住呢個咁靚的維港景，真是無敵。