惹味雞煲好吸引 邊爐配料選擇多

朋友住葵芳話呢間老趙好抵食，就去試下喇 ! 結果無令我失望，雞煲真是幾惹味，食完雞煲仲可以任添，同埋用作打邊爐，整體感覺幾抵食。

侍應第一時間帶我坐卡位，座位都幾舒服。

然後就俾張火鍋配料紙，就有雞煲，酸菜魚煲，蘿蔔牛腩煲，蕃茄鮮魚煲，仲有清清地的雜菜煲。

我就揀咗個雞煲，因朋友吃辣，唯有吃個bb辣，入口時香濃的濃汁配上鮮嫩的雞肉，還有紅椒, 黃椒、青椒色彩鮮艷，雖然微辣都好惹味。

吃過雞煲後，侍應便幫我加入湯用作打邊爐，我除了出去自助區內揀選食材外，也用手寫單，選點了不少食物。

手寫落單都有不少選擇，朋友和我都是牛魔王，所以點了多碟牛肩胛及肥牛，當然還有其他食材，如羊肉、鮮蠔、鮮魚皮、午餐肉、響鈴、皇帝蟹柳都幾好味。

鵝腸都是打邊爐不能缺。

食物真不少，響鈴、鮮魚皮及牛肉。

自助區內就有齊各款丸類，還有脆皮腸。

花枝丸好彈牙口感十足。

涼拌區就有幾款任你吃，如麻辣大豆芽、豬肚、泡菜。

炸物區就有麥樂雞、薯圏及春卷，香脆又惹味。

啤酒、汽水及紙包飲品汽水都是任你飲。

打完打邊爐後，來個冰凍鮮果，降降溫不在話下，最正是涼透心。

大大的雪糕櫃內，擺着香港製造的雪糕及雪條，仲有多款任你揀。

手寫落單的選擇，還有酥炸饅頭及酥炸鯪魚球，前者炸至金黃色的饅頭，配上煉奶好味；後者肉質鮮甜又帶點爽口，同樣滋味。

老趙廚房

電話：2628 9636

地址：葵芳葵義路2-10號新葵芳花園好爵中心商場1樓