豬扒肉質鮮嫩夠Juicy 其他美食都不錯

4月 11, 2021

天氣靚，心情也特別爽，同朋友在葵芳新都會商場買完野，就去了5樓The Salted Pig食晏，見到餐牌乜都想食。

最後點了招牌烤斧頭豬扒、煙肉椰菜仔、薯條，斧頭豬扒雖然唔算好勁，但肉質就好Juicy，好嫩滑，點埋那帶少少甜的醬汁，又提升了肉香，真不錯。

厚切豬扒真是啖啖肉，軟腍又多汁，好味。

當然仲有我的最愛卡邦尼蛋汁煙肉意粉$158，煙肉粒煎香後，有如豬油渣般香口惹味，加上蛋汁混在一起，真是超級的好味。

見到有新豬肉OMN!Pork，就試埋墨西哥芝士新豬肉薄脆$148；份量真是幾大，個人覺得用作佐酒就一流。

薄脆面層是蕃茄莎莎、牛油果醬、橄欖、純素車打芝士，好好味，最正是一啲都得唔出是新豬肉，但比起真豬肉又爽口同無咁油膩，好味。

本來都諗住就咁，點知又忍唔住奶昔誘惑，點了Oreo曲奇朱古力忌廉奶昔$68及水果乳酪奶昔，前者是朋友至愛好濃香Oreo曲奇朱古力味$68，我選擇後者水果乳酪奶昔，就有美碌香蕉/士多啤梨香蕉/芒果菠蘿任揀，我就揀左士多啤梨香蕉，第一啖飲覺得士多啤梨汁好清甜，再吸大啖啲就有埋香蕉的Creamy，兩者好夾又好味。