快閃叫雞食足18隻 味道不錯幾滋味

朋友是雞翼控，上次因疫情問題未能如願去「Wingman」食雞翼，見今日時間尚早就和她去了旺角新城17樓，食個快閃雞翼喇! 由於唔夠時間的關係，就無選擇雞翼放題，反而點了Netflix & Chill的拼盤$268，分別有三款口味的雞翼，每款6隻，共18隻，以及一款小食。

打開電梯門已看到黃色的「Wingman」。甫進店內見到「一齊叫雞」的霓虹燈標語，都幾搞笑，玩味十足。可能是中午時段人流不多，坐位都坐得舒服。

我們點了Netflix & Chill的拼盤雞翼，就可以在七款乾身雞翼和九款濕身雞翼中，選擇三款雞翼。

乾身雞翼類中，選了印度唐杜里烤雞味，雞翼面上沾滿了印度香料，香口但不辣，真是幾有印度風味。而伴碟的紫洋蔥條好有驚喜，入口好爽甜，清清口腔都幾好架！

濕身日本吉列咖哩味雞翼，只有咖哩的香味，沒有半點辣，肉質十分嫩滑及多肉汁，很香也很惹味。

濕身的新加坡辣蟹味，友人見到面層舖上辣椒仔及炸蒜，仲以為好辣，原來只得個外觀，外層真是脆卜卜，雞肉都幾juicy，但一點也不辣，幾惹味就真。

配菜方面，我們見到燒牛油果，雙目都發光，都是大家的至愛呀! 而且燒牛油果較特別，吃時先將附上青檸汁啫在牛油果上，入口口感如奶油的香滑可口，帶有少少燒烤的香味，由於牛油果本身已好吸引，反而沒有加太多附上的少辣醬汁。

今日趕時間就無食呢個超值雞翼放題，下次有足夠時間就必試。

連加一後$300有找。