任食活龍蝦 櫻花甜品幾吸引
假日有乜好做，當然同朋友食個自助晚餐，尖沙咀凱悅酒店的中菜，間中都會去，但去咖啡廳食自助餐都是第一次，今次最吸引我過來，重點是有得任食活龍蝦，仲有鐵板火焰鴨肝多士，單是呢兩款已好吸引，還未計日式時令甜品，就是櫻花甜品呀！
今次最大亮點是可無限量，任食原隻波士頓活龍蝦，不過要排隊就真，每次都是等十分鐘便可，當然夾埋時間，等分鐘得，但到8點9咁上下，就不見人龍。
自助餐的特色之一必定有冰鎮海鮮，小龍蝦、長腳蟹、大蝦......等。
冷盤就有自製肝醬、巴馬火腿、各式凍肉、自家製三文魚及芝士。
鐵板燒專區就有清酒火焰竹荀，及招牌鐵板火焰鴨肝多士配杏脯，全部是即燒，雖然每次都夾唔到時間，睇唔到火焰鴨肝多士，但鴨肝入口即溶加埋有麵包伴底，感覺上一齊食無咁油膩，而火焰竹荀就幾爽口都清甜，但未感受到有火焰的焦香。
必食就有手釣原條黃鰭吞拿魚，黃鰭吞拿魚就有壽司、刺身及魚生飯。
由於好少有黃鰭吞拿魚，就試了魚生飯，口感帶點酸；試了朋友那碗又無喎，可能是不同位置。
要食乳豬就要排隊，廚師即切，每人兩件，皮脆肉嫩。
柚子汁昆布焗三文魚，魚香味都幾濃郁，加了柚子汁令三文魚更清新，都幾惹味。
甜品凍櫃內都有唔少精緻的甜品可供選擇。
榴槤蛋糕真是好濃的榴槤味。
喜愛士多啤梨的我，就又點會放過士多啤梨甜品，其中拿破崙好脆口又好味。
自助晚餐
星期一至五：晚上 6時至 10時
星期六、日及公眾假期：晚上 6時30分至10時
星期一至四 成人 $668 / 小童 $334
星期五至日、公眾假期前夕及公眾假期 成人 $728 / 小童 $364
凱悅酒店咖啡廳
地址：香港尖沙咀凱悅酒店大堂樓層
訂座電話： 3721 7700 或 https://bit.ly/3kMgN8L 預訂
留言
張貼留言