食肉獸不能錯過的Meat Me Tuesday

知我的朋友，都知我愛食肉，對海鮮就一般，所以過年前肉食之友就約我星期二去Porterhouse，
點解會星期二去？原來這裡有個Meat Me Tuesday推廣，便是逢星期二各類肉食包括了牛、豬、
雞及羊，都是任食兩小時，各款都是有質素，除了肉類外，還有前菜、沙律、芝士、冷盤、及
甜品，全部任你吃個痛快，一句講晒是性價比高。

首先講講buffet枱上放滿了新鮮蔬菜，還有我最愛的火箭菜，芝士蕃茄、茄子、凱撒沙律、焗薯
；在我認為是主菜的四款肉類中，我最愛是燒肉，皮脆到卜卜聲，入口豬肉帶少少肥，好好食
呀! 雖然超級邪惡，但真是忍唔住，好快就KO了一條，本來好想再來一個，但還有澳洲牛扒都
是我的至愛，一定要留肚食，那大大件的牛扒烤到medium剛剛好，好Juicy肉質好嫩滑，又忍唔
住食多一件，由於我個人不好羊架，就無試，但朋友話，羶味適中又好香口，兼無多餘脂肪，
見他枱面有5支骨，就知幾好味，講到雞肉，我食了一件就覺得一般，但朋友可能是第二轉就
讚不絕口，由於我真是太飽所以就無再試。

此外，朋友一向是酒之士，所以就加了$288，任飲香檳、紅、白葡萄酒；仲有朝日啤酒和
雞尾酒，俾你飲足兩小時，呢個價錢真是超抵，自問是飲得之一，呢個價絕對唔慳得。

澳洲牛扒，肉質鮮嫩，建議食帶少少肥就最好味。

雞肉對我而言就一般，但朋友就超讚。

朋友話，羊架羶味適中又好香口，兼無多餘脂肪，但我真怕羊羶味，咪搞。

仲有四款小食任你食，香炒蘑菇，忌廉薯蓉和雜菜沙律；個人最愛是呢款邪惡小食，黑松露
脆薯條，只可以講一句，太好味了，必試。

火箭菜成本都稍貴，這裡無限量供應，只是加點橄欖油及黑醋已好好味，我都食了兩大碟。

酸酸甜甜的Welcome Drink，俾口腔來個清洗，為一場勁食做好準備。

Meat Me Tuesday

價錢：每位$528 任食兩小時 (最少兩位起) 

Porterhouse 

地址：中環蘭桂坊德己立街30-32號加州大廈7樓