樂意點心價錢合理 坐得舒服
一向都愛一盅兩件，同朋友iSquare睇戲後，點心癮又起，見到呢間小店就去試試，好彩過左午飯時間，唔駛等位就入得，仲可以坐卡位，就更加舒服；呢度以綠色為主調，清新又具時代感；點心紙都有唔少選擇，最正是價錢合理，都幾好味，老火湯更是足料又夠味。
上海小籠包 $24
肉餡料內混入足料上湯，包皮不厚不薄剛剛好，入口湯汁滿滿，全數送進口內，味道鮮美。
蜜汁叉燒腸粉$24
滑捋捋的腸粉內是蜜汁叉燒，肉質嫩滑，叉燒醬汁全數湧出，都幾好味。
安蝦鹹水角 $14
咖哩魷魚 $26
魷魚都幾多件，入口爽口彈牙又充滿咖哩香，而伴底的豆卜吸收了咖哩汁，香辣滋味滿足到我的味蕾！
絕配套餐$68(包括：湯、籠仔鳯爪排骨飯及菜)
呢盅雲腿雞腳燉花膠老火湯，內有花膠、蟲草、豬肉、肉雞腳、雲腿，花膠都幾大塊有咬感， 由於都幾足料，所以味道好清甜，只是加十元便可以歎到靚湯，試得過。
籠仔鳯爪排骨飯$68/位
鳳爪排骨飯一直都是港人的最愛，也是我的至愛，排骨蒸得剛剛好，肉質都嫩滑，鳯爪鬆軟，配上甜甜的豉汁，還有淡淡的荷葉香味，配合得天衣無縫！
真是水滾茶靚，今次點了桂花烏龍，茶香且純，還有點點桂花香，好飲。
忽然發現卡位下有差電插頭，又幾窩心喎！
依家新張期間仲有全單88折，都抵食。
樂意點心
尖沙咀漢口道19-21號地舖
電話：23368939
留言
張貼留言